Cəmiyyət

Sosial sərmayələr 

Xəzərdəki layihələrin uğuru həm də əməliyyatçının regiondakı ölkələrin əhalisi üçün bu layihələr vasitəsilə hiss edilən faydalar yaratmaq bacarığından asılıdır. Buna nail olmaq üçün bp və tərəfdaşları mühüm sosial investisiya layihələri həyata keçirməyə davam edir. Bu layihələrə təhsil proqramları, yerli icmalarda bacarıq və qabiliyyətlərin yaradılması vasitəsilə yeni imkanların açılması, icmalarda sosial infrastrukturun təkmilləşdirilməsi, maliyyə vəsaitlərinə çıxışın təmin edilməsi və təlim vasitəsilə yerli müəssisələrə dəstək, mədəni irs və idmanın inkişafına dəstək, eləcə də hökumət qurumlarına texniki yardım daxildir. 

2024-cü il ərzində bp və onun əməliyyatçısı olduğu birgə layihələrdəki tərəfdaşları belə sosial investisiya layihələrinə Azərbaycanda 1,5 milyon dollardan artıq vəsait xərcləmişlər. İl ərzində bu layihələrə hazırda davam edən 25 təhsil proqramı, yerli bacarıqların yaradılmasını və sahibkarlığın inkişafını dəstəkləyən 3 layihə və ətraf mühit üzrə 1 təşəbbüs daxildir.

Ölkə iqtisadiyyatının güclənməsinə kömək etmək məqsədilə bp (özünün əməliyyatçısı olduğu birgə layihələrdəki tərəfdaşları adından) Azərbaycanın hər yerində yerli bacarıqların yaradılmasını və sahibkarlığın inkişafını dəstəkləyən sosial investisiya layihələrini davam etdirəcək.

Bu qəbildən Azərbaycanda həyata keçirilmiş və hazırda həyata keçirilən layihələrdən bəziləri bunlardır:

• bp (Azərbaycanda bp-nin əməliyyatçısı olduğu birgə müəssisələrdəki tərəfdaşların adından) Azərbaycanın 13 rayonundan olan aztəminatlı ailələrə yeni bacarıq və səriştələr əldə etməyə, məşğulluq imkanlarını yaxşılaşdırmağa və gəlirləri artırmağa yönəlmiş layihəni uğurla başa çatdırıb. Layihə çərçivəsində 395 benefisiar Beynəlxalq Əmək Təşkilatının “Biznesinə Başla və Təkmilləşdir” modullarına əsaslanan təlim proqramını başa vurub.
• bp (Azərbaycanda bp-nin əməliyyatçısı olduğu birgə müəssisələrdəki tərəfdaşların adından) Samux, Yevlax və Ağdaş rayonlarının icmaları da daxil olmaqla kənd yerlərində gənc sahibkarlara dəstək məqsədli layihəni uğurla başa çatdırıb. Bu təşəbbüs üç mərhələli inkişaf proqramına əsaslanmışdı. Birinci mərhələ aztəminatlı ailələrdən olan biznes bacarıqlı gəncləri seçmək və onları gələcək biznes fəaliyyətlərinə hazırlamaq məqsədi daşıyıb. Lazımi təlimləri bitirdikdən sonra iştirakçılar proqramın 2-ci mərhələsində öz kiçik bizneslərinə başlamaq üçün lazım olan avadanlıq və alətlərlə təmin olunublar. 3-cü mərhələdə isə iştirakçılara layihənin təqdim etdiyi bilik, bacarıq və avadanlıqlardan səmərəli istifadə etməyə kömək etmək məqsədilə mentorluq dəstəyi verilib. Layihə çərçivəsində ümumilikdə 65 benefisiar biznes təlimi alıb və öz bizneslərini başlamaq üçün lazım olan avadanlıq və cihazlarla təmin olunublar.
• bp (Azərbaycanda bp-nin əməliyyatçısı olduğu birgə müəssisələrdəki tərəfdaşların adından) üç Gəncə universitetindən seçilmiş 60 müəllim üçün ingilis dili biliklərini təkmilləşdirməyə və innovativ tədris bacarıqlarını inkişaf etdirməyə yönəlmiş təhsil layihəsini uğurla başa çatdırıb.
• bp (Azərbaycanda bp-nin əməliyyatçısı olduğu birgə müəssisələrdəki tərəfdaşların adından) Sumqayıt və Naxçıvan dövlət universitetlərindən seçilmiş 80 müəllim üçün ingilis dili biliklərini təkmilləşdirməyə və innovativ tədris bacarıqlarını inkişaf etdirməyə yönəlmiş təhsil layihəsinə dəstək verir. Layihə çərçivəsində Sumqayıt Dövlət Universitetinin 40 fənn müəllimi ingilis dili səviyyəsini müəyyən etmək üçün yoxlamadan keçib. Nəticələrə əsasən müəllimlər qruplara bölünərək təlimlərə başlayıb. İndiyədək iştirakçılar 160 saatlıq ingilis dili təlim proqramının 80 saatını uğurla tamamlayıblar. Layihə çərçivəsində eynilə Naxçıvan Dövlət Universitetinin 39 fənn müəllimi də yoxlamadan keçib, və daha sonra onlar müvafiq təlim qruplarına təyin olunaraq ingilis dili dərslərinə başlayıblar.
• bp (Azərbaycanda bp-nin əməliyyatçısı olduğu birgə müəssisələrdəki tərəfdaşların adından) 6-17 yaş aralığında olan 60-a qədər gəncin ingilis dili bacarıqlarını inkişaf etdirməyə yönəlmiş təhsil layihəsinə dəstək verir.

• bp (Azərbaycanda bp-nin əməliyyatçısı olduğu birgə müəssisələrdəki tərəfdaşların adından) eşitmə və danışıq məhdudiyyəti olan insanların cəmiyyətə inteqrasiyasına kömək etmək məqsədli təşəbbüsü dəstəkləyir. Layihə çərçivəsində işarə dilini öyrətmək və öyrənmək üçün mobil tətbiqin hazırlanması nəzərdə tutulur.

• bp (Azərbaycanda bp-nin əməliyyatçısı olduğu birgə müəssisələrdəki tərəfdaşların adından) “Gələcəyin bacarıqları” adlı təhsil layihəsinin növbəti mərhələsini uğurla tamamlayıb. Bu təşəbbüs Azərbaycanın startap mühitini gücləndirmək və innovasiya ekosistemini genişləndirmək məqsədi daşıyır. Layihə çərçivəsində seçilmiş 10 komanda üçün altı aylıq inkubasiya proqramı təşkil olunub, burada Türkiyənin Bilishim Vadisi startap mentorluq şirkətinin ekspertləri tərəfindən təlimlər, mentorluq və ilkin investisiya hazırlığı həyata keçirilib. Bundan əlavə, səkkiz iştirakçı komandanın layihələri TV proqramı və müxtəlif platformalar vasitəsilə potensial investorlara təqdim edilib.
• bp (Azərbaycanda bp-nin əməliyyatçısı olduğu birgə müəssisələrdəki tərəfdaşların adından) Gəncə, Daşkəsən, Tovuz, Ağstafa, Goranboy, Samux və Şəmkir rayonlarını əhatə edən layihəni uğurla başa çatdırıb. Layihə autizm və terapevtik idman mütəxəssisləri, könüllülər və autizmin qiymətləndirilməsi, diaqnostikası, reabilitasiyası və terapiyası ilə məşğul olan 180 mütəxəssis üçün xüsusi təlimlərin keçilməsini nəzərdə tutmuşdu.
• bp (Azərbaycanda bp-nin əməliyyatçısı olduğu birgə müəssisələrdəki tərəfdaşların adından) yerli universitetlərin təhsil potensialını artırmaq və tələbələrə davamlı biznesin qurulmasında dəstək olmaq üçün rəqəmsal innovativ sahibkarlıq üzrə onlayn təhsil platforması yaratmaq məqsədi daşıyan layihəni uğurıa başa çatdırıb. Layihə çərçivəsində təlim materialları hazırlanıb və xüsusi rəqəmsal platforma qurulub.
• bp (Azərbaycanda bp-nin əməliyyatçısı olduğu birgə müəssisələrdəki tərəfdaşların adından) “Learning Management System” texnologiyasından istifadə etməklə peşəkar inklüziv təhsil proqramlarının inteqrasiyasını və genişləndirilməsini hədəfləyən layihəni uğurla bitirib. Layihə çərçivəsində CHED (Uşaqların Sağlamlığı, Təhsili və Sosial İnkişafı) və “Məktəbim” təhsil proqramlarının təlimi onlayn modelə uyğunlaşdırılıb və yeni qurulmuş veb-platforma yerləşdirilib.
• bp (Azərbaycanda bp-nin əməliyyatçısı olduğu birgə müəssisələrdəki tərəfdaşların adından) aztəminatlı ailələrdən olan 60 yerli ixtisaslı işçinin məşğulluq imkanlarını artırmaq məqsədi daşıyan yeni təşəbbüsə dəstək verir. Layihə peşəkar təhsil almaq şansı olmayan peşə işçilərinə davamlı iş karyeralarının qurulması üçün tələb olunan sertifikat imtahanlarından keçmək və rəsmi diplom əldə etmək imkanı verəcək. İndiyədək 55 nəfər benefisiar proqramda iştirak edib.
• bp (Azərbaycanda bp-nin əməliyyatçısı olduğu birgə müəssisələrdəki tərəfdaşların adından) kənd məktəblərini innovativ günəş istilik sistemi və istilik nasosu ilə təchiz edən təşəbbüsü uğurla başa çatdırıb.
• bp (Azərbaycanda bp-nin əməliyyatçısı olduğu birgə müəssisələrdəki tərəfdaşların adından) Azərbaycan Texnologiya Universitetində kibertəhlükəsizlik sahəsində “Avtomatlaşdırma, telekommunikasiya və kompüter elmləri” kafedrasının təhsil potensialının gücləndirilməsini hədəfləyən təşəbbüsü dəstəkləyir.
• bp (Azərbaycanda bp-nin əməliyyatçısı olduğu birgə müəssisələrdəki tərəfdaşların adından) orta məktəblərdə sahibkarlığın tədrisinə dəstək məqsədli layihəni uğurla başa çatdırıb. Layihə çərçivəsində 34 müəllim sahibkarlığın tədrisi üzrə öz pedaqoji bacarıqlarını təkmilləşdirib. Bundan əlavə, həmin müəllimlər ölkə üzrə 600-ə yaxın STEAM müəlliminə təlim keçib və onları məktəblərdə sahibkarlığın əsaslarını öyrətmək üçün zəruri biliklər və effektiv pedaqoji vasitələrlə təmin ediblər. Daha sonra təlim keçmiş müəllimlər ölkənin 51 rayonundakı 150 STEAM məktəbində 8000-ə yaxın şagirdə sessiyalar və digər təlim fəaliyyətləri keçiblər.
• bp (Azərbaycanda bp-nin əməliyyatçısı olduğu birgə müəssisələrdəki tərəfdaşların adından) 2021-ci ilin sentyabrından Rəqəmsal İnkişaf və Nəqliyyat Nazirliyinin təşəbbüsü ilə həyata keçirilən “Texnest” təqaüdlü təhsil proqramı çərçivəsində yerli İT mütəxəssislərinin inkişafına töhfə verən layihəni dəstəkləyir. Layihənin birinci mərhələsi uğurla başa çatıb. Hazırkı mərhələ yerli əmək bazarında İT mütəxəssislərinin tələbatını ödəmək üçün aztəminatlı ailələrdən olan 289 yeni iştirakçını müxtəlif İT sahələrində lazımi bacarıqlarla təmin etməyi nəzərdə tutur. İndiyədək 60 nəfər benefisiar lazımi təlimləri bitirib.
• bp (bp-nin Azərbaycanda fəaliyyət göstərdiyi birgə müəssisələrdəki tərəfdaşları adından) məktəblərdə inklüziv təhsilin gücləndirilməsinə yönəlmiş layihəni uğurla başa çatdırıb. Layihə Bakı, Sumqayıt, Şirvan, Gəncə, Abşeron, Quba, Şəki, Qazax, Xaçmaz, Qəbələ və Ağcabədi də daxil olmaqla ölkənin müxtəlif yerlərindən seçilmiş 24 məktəbi əhatə edib. Layihə çərçivəsində mütəxəssislərlə birgə hazırlanmış xüsusi təlim proqramı vasitəsilə 280 məktəb müəllimi inklüziv təhsil sahəsində nəzəri biliklərini və praktiki bacarıqlarını təkmilləşdirib.
• bp (bp-nin Azərbaycanda fəaliyyət göstərdiyi birgə müəssisələrdəki tərəfdaşları adından) Tovuz rayonunda aqroturizmin inkişafına dəstək məqsədli layihəni uğurla başa çatdırıb. Layihə seçilmiş aztəminatlı ailələr üçün gəlir və məşğulluq imkanları yaratmağı nəzərdə tutmuşdu. Layihəyə aqroturizmlə məşğul olan 7 xidmət təchizatçısının işçi heyəti üçün - ümumilikdə 27 nəfərə, təlim keçmək və mentorluq dəstəyi göstərmək, həmçinin həmin müəssisələri avadanlıq və alətlərlə təchiz etmək daxil idi, həmçinin, ehtiyac olduğu halda bu müəssisələrin obyektlərinin təmirinə də dəstək vermək də nəzərdə tutulmuşdu. Əlavə olaraq aqroturizmi təşviq etmək məqsədilə Tovuzda forum və sərgi təşkil olunmuşdur.
• bp (Azərbaycanda bp-nin əməliyyatçısı olduğu birgə müəssisələrdəki tərəfdaşların adından) Kürdəmir rayonunda yaşayan aztəminatlı ailələrdən olan 25 benefisiar üçün məşğulluq və gəlir əldə etmək imkanlarının artırılmasına töhfə verən layihəni dəstəkləyir. Layihə iştirakçıları dərzilik və vizajistlik üzrə peşə təlimləri alacaqlar.

• bp (Azərbaycanda bp-nin əməliyyatçısı olduğu birgə müəssisələrdəki tərəfdaşların adından) Mingəçevir Dövlət Universitetində İKT kibertəhlükəsizliyi laboratoriyasının yaradılmasını hədəfləyən layihəni başa çatdırıb. Təşəbbüs kompüter mühəndisliyi, informasiya texnologiyaları, kompüter elmləri və kiber/informasiya təhlükəsizliyində ixtisaslaşan ildə 850-dən çox tələbənin faydalanması üçün mühəndislik fakültəsində tədris və təlimin keyfiyyətini artırmaq məqsədi daşıyıb. 

• bp (bp-nin Azərbaycanda fəaliyyət göstərdiyi birgə müəssisələrdəki tərəfdaşları adından) Tovuz və Ağstafa rayonlarında müharibədə zərər çəkmiş insanlara davamlı gəlir mənbələrinin qurulmasına dəstək məqsədli layihəni uğurla başa çatdırıb. Layihə iştirakçılarına psixo-sosial və hüquqi yardım göstərilib, həmçinin şəbəkələşmə (sosial inteqrasiya) və istirahət düşərgəsi təşkil edilib. Ümumilikdə bu layihədən 600-a yaxın insan yararlanıb. 25 nəfər müharibədə zərər çəkmiş insan isə Qaxda təşkil olunan şəbəkələşmə düşərgəsində iştirak edib.

• bp (bp-nin Azərbaycanda fəaliyyət göstərdiyi birgə müəssisələrdəki tərəfdaşları adından) Azərbaycan Dövlət Pedaqoji Universitetinin tələbələri üçün nəzərdə tutulmuş mühüm bir təlim proqramını uğurla başa çatdırıb. Proqramın əsas məqsədi ibtidai təhsil üzrə ixtisaslaşan bakalavr tələbələrinin inklüziv tədris bacarıqlarının inkişaf etdirilməsi olub. Universitetin İbtidai təhsil fakültəsinin təxminən 140 tələbəsi təlim proqramında iştirak edərək inklüziv təhsilin innovativ metodlarına və xüsusiyyətlərinə yiyələnib. Sonda onlara beynəlxalq sertifikatlar verilib. Proqram DanceAbility® adlanan beynəlxalq təlim metoduna əsaslanıb və bu metod universal ünsiyyət üsullarından istifadə etməklə əlilliyi olan insanların müalicəsində və reabilitasiyasında inklüzivliyi əhatə edir.
• bp (bp-nin Azərbaycanda fəaliyyət göstərdiyi birgə müəssisələrdəki tərəfdaşları adından) məktəbliləri, o cümlədən kənd yerlərində yaşayan və əlilliyi olan və ya xüsusi təhsilə ehtiyacı olan gəncləri əlçatan, müasir təhsil resursları ilə təmin edən təşəbbüsü uğurla başa çatdırıb. Layihə çərçivəsində əsas diqqət 5-9-cu sinif şagirdləri üçün riyaziyyat üzrə müfəssəl onlayn təhsil məzmununun hazırlanmasına yönəlmişdir. Yeni hazırlanmış materiallar onlayn tətbiq vasitəsilə ictimaiyyətə açıqdır və öyrənmə prosesini təkmilləşdirmək üçün müxtəlif vasitələri özündə birləşdirir.
• bp (bp-nin Azərbaycanda fəaliyyət göstərdiyi birgə müəssisələrdəki tərəfdaşları adından) 500-ə qədər gəncin məşğulluq imkanlarını artırmaq məqsədilə onlara maliyyə savadlılığı, sahibkarlıq və karyera inkişafı sahələrində təlimlərin keçirilməsini nəzərdə tutan təşəbbüsə dəstək verir.
• bp (bp-nin Azərbaycanda fəaliyyət göstərdiyi birgə müəssisələrdəki tərəfdaşları adından) Azərbaycanın kənd yerlərində yaşayan müharibədən zərərçəkmiş insanlara dəstək məqsədli daha bir təşəbbüsü dəstəkləyir. Layihə çərçivəsində 200 nəfərə qədər iştirakçıya özünüməşğulluq, psixoloji və hüquqi yardım dəstəyi göstəriləcək. Bu günə qədər layihə çərçivəsində 144 benefisiar fərdi hüquqi yardım alıb.
• bp (bp-nin Azərbaycanda fəaliyyət göstərdiyi birgə müəssisələrdəki tərəfdaşları adından) Azərbaycanda Ətraf Mühit, Sosial və İdarəetmə meyarlarının inteqrasiyasını gücləndirməyə yönəlmiş bir layihəni dəstəkləyir və bununla davamlı inkişafa və iqlim dəyişikliyi ilə bağlı fəaliyyətlərə töhfə verir. Layihənin iş həcminə özəl və dövlət sektorundakı təşkilatların korporativ strategiyalarına və əməliyyatlarına dairəvi iqtisadiyyat yanaşmasının  daxil edilməsinə dair araşdırmaların aparılması və kampaniyaların həyata keçirilməsi daxildir. Layihənin araşdırma mərhələsi 2024-cü ildə başa çatıb.
• bp (bp-nin Azərbaycanda fəaliyyət göstərdiyi birgə müəssisələrdəki tərəfdaşları adından) Azərbaycan universitetlərinin, tələbələrin, sahibkarların və tədqiqatçıların, həmçinin startap icmasının qlobal və regional biznes ekosisteminə inteqrasiyasına kömək məqsədli layihəni dəstəkləyir.
• bp (bp-nin Azərbaycanda fəaliyyət göstərdiyi birgə müəssisələrdəki tərəfdaşları adından) Azərbaycanın dahi şairi Məhəmməd Füzuliyə həsr olunmuş kitab-albomun hazırlanmasını və nəşrini nəzərdə tutan təşəbbüsə dəstək verir.
• bp (bp-nin Azərbaycanda fəaliyyət göstərdiyi birgə müəssisələrdəki tərəfdaşları adından) inklüziv cüdo təşəbbüsünün həyata keçirilməsinə kömək məqsədli layihəyə dəstək verir. Layihə əlilliyi və xüsusi qayğıya ehtiyacı olan şəxslərin idman vasitəsilə cəmiyyətə inteqrasiyasına kömək etməyi hədəfləyir.
• bp (bp-nin Azərbaycanda fəaliyyət göstərdiyi birgə müəssisələrdəki tərəfdaşları adından) Gəncədə yerləşən 3 universitet və 2 kollecdən seçilmiş tələbələri dəstəkləmək üçün yeni bir təşəbbüsə başlayıb. Layihə çərçivəsində onlara veb proqramlaşdırma, qrafik dizayn və rəqəmsal marketinq üzrə təlimlər keçiriləcək. Bu layihədən 15 nəfərə qədər tələbə faydalanacaq.

Bundan əlavə, bp ayrıca bir şirkət kimi öz adından Azərbaycanda sponsorluq etdiyi layihələrə il ərzində təqribən 1,7 milyon dollar vəsait xərcləmişdir. Ümumilikdə 40 layihə olmaqla, təhsilə (22 layihə), bacarıqların yaradılmasına və sahibkarlığın inkişafına (1 layihə), ətraf mühitin qorunmasına (4 layihə) və mədəni irsin və milli idmanın inkişafına (2 layihə) dəstək məqsədi daşıyan təşəbbüslər olub. Həmçinin, bu müddət ərzində bp ümumilikdə 11 konfrans, sərgi, forum və simpoziuma sponsorluq edib.

Bu layihələrdən bəziləri aşağıdakılardır:

• bp şirkəti startap və innovasiya, korporativ maliyyə, marketinq, sosial tədqiqat, beynəlxalq münasibətlər, iqtisadi siyasət, menecment iqtisadiyyatı, biznes və iqtisadiyyat üçün statistika, ekonometrika, psixologiya və informasiya təhlükəsizliyi barədə 14 akademik dərsliyin ingilis dilindən Azərbaycan dilinə tərcüməsini və çapını dəstəkləmişdir. Layihənin 15-dən çox yerli universitetdə 16 ixtisas üzrə tədris keyfiyyətinin artırılmasına töhfə verəcəyi gözlənilir.
• bp şirkəti universitetlərdə müəllimlər, tələbələr və inzibati heyət üçün “Fənn münasibətləri – yeni biliklər istehsalı” dərsliyinin hazırlanması və nəşrini dəstəkləmişdir.
• bp şirkəti 20 məktəbin 8, 9 və 10-cu siniflərində oxuyan 400 şagirdinin gələcək iş fəaliyyətləri ilə bağlı əsaslandırılmış qərarlar qəbul etmələrinə şərait yaradan peşə seçimi üçün təlimatlandırma sessiyalarının keçirilməsini dəstəkləmişdir.
• bp şirkəti yerli universitet tələbələri, müəllimləri və tədqiqatçılar üçün beynəlxalq tibb hüququ, mediasiya hüququ, beynəlxalq ictimai hüquq üzrə dərsliklərin hazırlanması və nəşrini dəstəkləmişdir.
• bp şirkəti iqtisadiyyat və makroiqtisadiyyat ixtisası üzrə təhsil alan yerli universitet tələbələri, eləcə də iqtisadiyyat, iqtisadi nəzəriyyələr, maliyyə və politologiya fənnləri üzrə müəllimlər üçün Paul De Qrauvenin “Bazarın sərhədləri” dərsliyinin tərcüməsi və nəşrini dəstəkləmişdir.
• bp şirkəti XIX əsrin ikinci yarısından bu günə qədər Azərbaycanın neft və qaz sənayesinin inkişafını əks etdirən kitabın hazırlanması və nəşrini dəstəkləmişdir.
• bp şirkəti Azərbaycan Texniki Universitetində rəqəmsal kitabxananın yaradılmasına dəstək verib.
• bp şirkəti Bakı Mühəndislik Universitetində İKT və kibertəhlükəsizlik laboratoriyasının yaradılmasına dəstək verib.
• bp şirkəti Azərbaycan Memarlıq və İnşaat Universitetinin üç kafedrasının: mühəndis sistemlərinin və qurğularının, texnoloji maşın və qurğuların tikintisi, meliorasiya və su təsərrüfatının laboratoriya infrastrukturunun genişləndirilməsinə dəstək verib.
• bp şirkəti Sumqayıt Dövlət Universitetində kimya mühəndisliyi ixtisası üzrə magistratura proqramının yaradılmasını dəstəkləyib. Layihə çərçivəsində kimya mühəndisliyi laboratoriyasının təkmilləşdirilməsi, yeni kurikulumun hazırlanması, universitet müəllimlərinin biliyi, eləcə də tədris bacarıqlarının artırılması nəzərdə tutulur.
• bp şirkəti Azərbaycan Dövlət Aqrar Universitetində nəşr mərkəzinin yaradılması və istixana təsərrüfatının bərpasına dəstək verib.
• bp şirkəti Azərbaycan Dövlət Neft və Sənaye Universitetində bərpa olunan enerji üzrə ikili magistratura proqramının yaradılmasına dəstək verib.
• bp şirkəti 22 istedadlı Azərbaycan gəncinin aparıcı beynəlxalq universitetlərə qəbulu üçün hazırlıq təlimlərini maliyyələşdirib. Bu, 15 istedadlı azərbaycanlının dünya üzrə tanınmış universitetlərə qəbul olunduğu layihənin uğurlu birinci mərhələsinin davamıdır. Layihənin ikinci mərhələsi 2024-cü ildə tamamlanıb və 22 tələbədən 21-i artıq aparıcı ali məktəblərə qəbul olub.
• bp şirkəti Azərbaycanın kənd bölgələrində yaşayan müəllimləri psixi sağlamlıq problemlərinin ilkin əlamətlərini göstərən şagirdləri müəyyən etmək, onlara yardım etmək və ilkin dəstək göstərmək üçün bacarıqlarını artırmağa yönəlmiş yeni təşəbbüsə dəstək verir. Layihədən 80-dək müəllim faydalanacaq.
• bp şirkəti Tovuz rayonunda iki yeraltı su təchizatı mənbəyinin bərpasına dəstək verir. Bu iki mənbə bərpa edildikdən sonra, təqribən 15 000 icma üzvünün məişət istehlakını və torpaqlarının suvarılması ehtiyaclarını ödəmək üçün ildə 2,5 milyon kubmetrə qədər şirin su ilə təmin edə biləcək.
• bp şirkəti Göyçay rayonunda yeni su təchizatı sisteminin yaradılmasına dəstək verir. Yeni sistem sel sularını toplamaq və təmizləmək üçün layihələndiriləcək və həmin suyu torpaqların suvarılması üçün yararlı hala gətirəcək. Sistemin ildə 500 min kubmetrdən çox su təmizləmək gücünə malik olacağı, beləliklə 100 hektara qədər ərazinin suvarılmasını təmin edəcəyi nəzərdə tutulub.
• bp şirkəti Kürdəmir, Ucar, Ağdaş, Yevlax, Goranboy və Samux rayonlarında 25-ə qədər içməli su, suvarma və kanalizasiya sistemlərinin yaradılmasına dəstək verir. Layihə ümumi əhalisi təxminən 25 000 nəfər olan 20-yə yaxın kənd icmasını əhatə edəcəkdir. 2024-cü ildə layihə çərçivəsində Kürdəmirdə iki, Samuxda üç və Yevlaxda üç olmaqla - ümumilikdə səkkiz su sistemi yaradılıb.
• bp şirkəti yerli ağac növlərinin əkilməsi və onlara qulluq göstərilməsi yolu ilə Azərbaycanın Zəngilan rayonunun biomüxtəlifliyinin bərpasına dəstək verir.
• bp şirkəti “ASAN Könüllüləri” Gənclər Təşkilatı İctimai Birliyinin 80-ə qədər könüllüsünün iş bacarıqlarının və biliklərinin artırılmasını hədəfləyən təşəbbüsə dəstək verir.
• bp şirkəti müasir Azərbaycan ədəbiyyatını təmsil edən gənc yazıçıların əsərlərinin nəşrini dəstəkləmişdir.
• bp şirkəti müxtəlif nəsil incəsənət ustalarının 1960-cı illərdən bəri seçilmiş şah əsərlərini əks etdirən gözəl kitab-albomun hazırlanması və nəşri, eləcə də vebsaytın yaradılması vasitəsilə Azərbaycanın zəngin mədəni irsinin təbliğinə yönəlmiş təşəbbüsə dəstək verir.
• bp şirkəti “Dirilik” jurnalının 24 transliterasiya edilmiş nömrəsinin nəşrinə dəstək verib. Jurnal Çar Rusiyasının süqutundan sonra müstəqil dövlətçiliyin qurulması zamanı cəmiyyətin siyasi, mədəni və bədii zövqünün formalaşmasında rol oynamışdır.
• bp şirkəti Azərbaycanda idmanın inkişafına dəstək məqsədilə Azərbaycanın Milli Olimpiya və Paralimpiya Komitələri ilə onillik davam edən tərəfdaşlığını 2024-cü ilin sonuna qədər uzadıb.
• bp şirkəti “IADC Drilling Caspian 2024” sərgi və konfransına sponsorluq edib. Hər il keçirilən bu tədbirin məqsədi qazma sahəsində mövcud problemləri müzakirə etmək və ən qabaqcıl təcrübələri bölüşmək üçün sənaye liderlərini və qazma mütəxəssislərini bir araya gətirməkdir.
• bp şirkəti Azərbaycan HR İnstitutunun Bakıda təşkil etdiyi “World HR SUMMIT 2024”ə qızıl sponsorluq edib. Tədbir insan resursları sahəsində qlobal yenilikləri və qabaqcıl innovasiyaların və texnologiyaların inkişafını müzakirə etmək üçün insan resursları sahəsində yüksək səviyyəli mütəxəssisləri bir araya gətirib.
• bp şirkəti “EY İlin İş Adamı” biznes müsabiqəsinə sponsorluq edib. Tədbirin əsas məqsədi sahibkarlıq fəaliyyətini təşviq etmək və uğurlu iş adamlarının nailiyyətlərini tanımaqdır.
• bp şirkəti gənclər arasında mövcud biznes potensialı haqqında məlumatlılığı artırmaqla ölkənin gələcək biznes liderlərinin yetişdirilməsinə yönəlmiş “Azərbaycan Biznes Keys Müsabiqəsi 2024”ə sponsorluq edib.
• bp şirkətinin əməkdaşları neft-qaz sənayesi üzrə öz bilik və təcrübələrini Azərbaycanlı gənclərlə bölüşmək məqsədilə 3 yerli universiteti təmsil edən 41 nəfər tələbəyə neft-qaz mühəndisliyi, əməyin təhlükəsizliyi, az karbonlu enerji və çeviklik üzrə üçgünlük təlimlər keçib və tələbələrə bu sahələr üzrə nəzəri biliklərin təcrübədə tətbiqi barədə məlumat verib. Təlimin sonunda iştirakçılara bp-nin daxili sertifikatları təqdim edilib.
• bp şirkəti Azərbaycan İqtisad Universitetinin təşkilatçılığı ilə Bakıda keçirilmiş İqtisadiyyat və İdarəetmə Sahəsində Tədqiqatçıların 6-cı Beynəlxalq Elmi Konfransına sponsorluq edib.
• bp şirkəti hazırda Bakı Enerji Həftəsi kimi tanınan 29-cu Xəzər Neft və Qaz Sərgisinə və Bakı Enerji Forumuna sponsorluq edib və həmin tədbirlərdə fəal şəkildə iştirak edib.
• bp şirkəti UFAZ Elmi Komitəsinin təşkil etdiyi “Xəzər hövzəsi 2024 “Keçid dövründəki dünyanın çağırışlarının qarşılanması” beynəlxalq konfransına sponsorluq edib.
• bp şirkəti “Yaşıl Dünya naminə Həmrəylik: Dayanıqlı Gələcək üçün Tullantıdan Dəyərə” adlı beynəlxalq foruma sponsorluq edib.
• bp şirkəti ADA Universitetinin İnkişaf və Diplomatiya İnstitutu tərəfindən təşkil edilən 18-ci Bakı Yay Enerji Məktəbinə sponsorluq edərək bu proqramda yaxından iştirak edib.
• bp şirkəti Təhsilin İnkişafı Fondu tərəfindən təşkil edilən “Təhsilin inkişafı forumuna” sponsorluq edib.
• bp şirkəti IMECHE (Mexanika Mühəndisləri İnstitutu) ilə birlikdə üç yerli universitetdən 31 tələbə üçün mühəndislik üzrə təlim düşərgəsi təşkil ediblər. Tədbir zamanı bp əməkdaşları neft və qaz sənayesi, təhlükəsizlik, davamlılıq, çeviklik və qabaqcıl texnologiyalar haqqında sessiyalar keçiriblər.
• bp şirkəti akademik Xoşbəxt Yusifzadənin əziz xatirəsinə həsr olunmuş Xəzər regionunun neft-qaz perspektivləri və geoekoloji problemlərinə həsr olunmuş beynəlxalq elmi konfransa sponsorluq edib.
• bp şirkəti Sumqayıt Dövlət Universitetində Təhsil Nazirliyinin təşkilatçılığı ilə keçirilən “Doktorantların və Gənc Tədqiqatçıların XXIII Konfransına (NASCO XXVII)” sponsorluq edib.
• bp şirkəti sənaye və əməyin təhlükəsizliyi ilə bağlı aktual problemlər və onların həlli yolları mövzusunda keçirilən “Sənaye Təhlükəsizliyi Sammiti”nə sponsorluq edib.
• bp şirkəti Dövlət Gömrük Komitəsi və Azərbaycan Sahibkarlar Konfederasiyasının birgə təşkilatçılığı ilə keçirilən “Gömrük-Biznes Forumu 2024”ə sponsorluq edib.
• bp şirkəti XVII-XVIII əsrlərə aid nadir Azərbaycan xalçalarının nümayiş edildiyi  “Azərbaycan xalçasının ehtişamı – Səfəvi dövrü xəzinəsi” adlı xüsusi sərgiyə  sponsorluq edir. Sərgi Azərbaycan Milli Xalça Muzeyində ziyarətçilər üçün açıqdır.
  

Əlavə məlumat üçün bp-nin Bakı ofisində Tamam Bayatlıya müraciət edə bilərsiniz.

Telefon: (+994 12) 525 5895