Davamlılıq

Davamlı inkişaf prinsiplərimiz inteqrasiyalı enerji şirkətinə çevrilmək strategiyamızın əsasını təşkil edir və məqsədimizi real addımlarda əks etdirir. O, bp-yə, maraqlı tərəflərimizə və cəmiyyətə ən böyük təsir göstərə biləcəyimizə inandığımız sahələrdə məqsədləri müəyyən edir.

Dəstəkləyici hədəflərimiz və məqsədlərimiz

Biz hədəf götürdüyümüz hər bir sahə üzrə məqsədlər müəyyənləşdirmişik:

• bp-ni 2050-ci ilədək və ya ondan da əvvəl xalis sıfır hədəfinə çatdıracaq və dünyanın da bu hədəfə çatmasına kömək edəcək 10 məqsəd
  
• planetimizin qayğısına qalacaq 5 məqsəd
  
• insanların həyatını yaxşılaşdıracaq 5 məqsəd
  

Biz bp-ni 2050-ci ilə qədər və ya daha əvvəl xalis sıfır hədəfinə çatdıracaq beş məqsəd və dünyanın da həmin hədəfə çatmasına kömək edəcək beş məqsəd müəyyən etmişik.

Davamlı inkişaf konsepsiyamız çərçivəsində əsas diqqət həmçinin fəaliyyət göstərdiyimiz mühitdə müsbət dəyişikliklərin edilməsinə yönəldilib. Planetimizin qayğısına qalmaqla əlaqədar beş məqsədimiz biomüxtəlifliyi, su ehtiyatlarının idarə edilməsini, təbiətə əsaslanan həlləri, o cümlədən təbii iqlim həllərini, dövriliyi və dayanıqlı satınalma fəaliyyətini əhatə edir.

İnsanların həyatını yaxşılaşdırmaq üçün beş məqsədimiz bu istiqamətdə həyata keçirdiyimiz tədbirlər üçün məqsədyönlülük və strukturu təmin edir. Onlar sosial sahəyə təsir və risklərin idarə edilməsi ilə əlaqədar güclü tələblərimizə, eləcə də əməliyyat idarəetmə sistemimizin tövsiyələrinə əsaslanır.